Queridos veciños e veciñas,

Un ano máis é unha honra e un auténtico privilexio para min dirixirme a todos/as vós con motivo da celebración da nosa prestixiosa Feira do Queixo de Friol e Pan de Ousá, dous produtos que levan toda a vida camiñando xuntos e que con tanto orgullo celebramos na capitalidade do noso querido municipio de Friol.

Quero convidarvos a asistir o vindeiro domingo 24 de marzo á XXVII edición da Feira do Queixo de Friol e Pan de Ousá, ese día tan especial que tódolos/as Friolenses temos marcado no noso calendario e que nos identifica como lugar de referencia na nosa comunidade.

Desde o Concello preparamos un ambicioso programa de actividades para que tódalas idades celebren esta feira tradicional, que segue brillando con luz propia e segue a ser o noso maior escaparate turístico e gastronómico; que axuda a dinamizar de maneira vital a actividade económica local do noso Concello, especialmente do sector primario; e se mantén como unha das nosas principais sinais de identidade como Friolenses.

Ademais de disfrutar do queixo e o pan, volvamos facer que o mellor recordo para todas aquelas persoas que nos visitarán durante ese día sexa a ledicia, hospitalidade e bondade das nosas xentes, que ninguén se sinta forasteiro na nosa terra.

Como perfectos anfitrións do noso pobo e da nosa Feira, recibide un afectuoso saúdo e os meus mellores desexos para esta 27ª edición.

José A. Santos Sánchez
Alcalde de Friol